"Araz-Naxçıvan" çempionatda 20-ci ev qələbəsini qazanıb

"Araz-Naxçıvan" Azərbaycan çempionatları tarixində 20-ci ev qələbəsini qazanıb.

"QELEBE.AZ" xəbər verir ki, bu, Misli Premyer Liqasının XX turunda "Neftçi" ilə matça təsadüf edib.

Qarşılaşma Naxçıvan təmsilçisinin 2:1 hesablı qalibiyyəti ilə bitib. Komanda doğma meydandakı 20-ci qələbəsinə 49-cu oyunda nail olub. “Araz-Naxçıvan” yarışın tarixinə evdə 20 və ya daha çox qələbə qazanan 33-cü komanda kimi düşüb.

Qeyd edək ki, naxçıvanlıların öz meydanındakı ilk qalibiyyəti 2000/2001 mövsümünə təsadüf edib.