Güləş üzrə Azərbaycan çempionatının ilk gününün qalibləri müəyyənləşib

Abşeron Olimpiya İdman Kompleksində sərbəst və yunan-Roma güləşi üzrə U-20 Azərbaycan çempionatı start götürüb.

"Report" xəbər verir ki, ilk yarış günündə sərbəst güləş üzrə 57, 65, 74, 86 və 97 kq-da qaliblər müəyyənləşib.

Vasif Bağırov (57), Hacı Kərimov, (65 kq), Omar Gülməmmədov (74 kq), Məhəmməd Abbaszadə (86 kq) və Rəvan Musayev (97 kq) fəxri kürsünün ən yüksək pilləsinə qalxıblar.

Qeyd edək ki, sabah da sərbəst, növbəti 2 gündə isə yunan-Roma güləşi üzrə qaliblər müəyyənləşəcək.