Avropa Liqası: "Fənərbağça"nın oyununa ispaniyalı hakimlər təyinat alıblar

Türkiyədə yerli "Fənərbağça" və Şotlandiyanın "Reyncers" komandaları arasında keçiriləcək UEFA Avropa Liqasının 1/8 final mərhələsinin ilk oyununun hakimləri bəlli olub.

"Report"un məlumatına görə, qarşılaşma İspaniyadan olan ədalət təmsilçilərinə tapşırılıb.

Baş hakim Alexandro Hernandesə Xose Naranyo və Quadalupe Porras Ayuso kömək edəcək. Dördüncü hakim funksiyasını Xose Luis Munueyra yerinə yetirəcək.

VAR-da Sezar Soto Qrado, AVAR-da Valentin Pizarro Qomes əyləşəcək.

Qeyd edək ki, martın 6-da baş tutacaq "Fənərbağça" - "Reyncers" oyunu Bakı vaxı ilə saat 21:45-də start götürəcək.