Azərbaycan Voleybol Federasiyasının rəsmisi CEV Kubokuna təyinat alıb
https://qalaba.az//uploads/photo/azerbaycan-voleybol-federasiyasinin-resmisi-cev-kubokuna-teyinat-alib.webp
Azərbaycan Voleybol Federasiyasının (AVF) Kommunikasiya şöbəsinin Beynəlxalq əlaqələr üzrə mütəxəssisi Mixail Frişman Avropa Voleybol Konfederasiyası (CEV) tərəfindən təyinat alıb.
"Report" AVF-nin mətbuat xidmətinə istinadən xəbər veir ki, mütəxəssis qadın voleybolçular arasında CEV Kubokunun yarımfinal mərhələsində baş tutacaq “İstanbul" (Türkiyə) - “Novara" (İtaliya) qarşılaşmasında hakimlərin işinə qiymət verəcək.
Bu gün İstanbulda keçiriləcək cavab oyununun hakimləri serbiyalı Darko Saviç və ispaniyalı Qloriya Suto Ximenes olacaq.
Qeyd edək ki, komandalar arasında ilk matçda İtaliya təmsilçisi 3:0 hesabı ilə qalib gəlib.
