Suarez ardıcıl 5 oyundur "İnter Mayami"də fərqlənir

KONKAKAF Çempionlar Kubokunun 1/8 final mərhələsinin cavab oyununda “İnter Mayami” “Kavaler”lə qarşılaşıb.

QELEBE.AZ xəbər verir ki, Amerika klubu 2:0 hesablı qələbəni bayram edib.

Luiz Suarez matçın 37-ci dəqiqəsində 11 metrlik cərimə zərbəsindən komandasının ilk qoluna imza atıb.

Beləliklə, 38 yaşlı hücumçu ardıcıl 5-ci oyunda qola töhvə verib. Ümumilikdə onun aktivində 4 qol və 5 məhsuldar ötürmə var.

Qeyd edək ki, uruqvaylı 2024-cü ilin qışında "İnter Mayami"yə keçib. Təcrübəli hücumçu Amerika klubu ilə 2025-ci ilin dekabr ayının sonuna qədər müqavilə imzalayıb.