Millətlər Liqasında "Dördlər finalı"nın keçiriləcəyi ölkə açıqlanıb

UEFA Millətlər Liqasında "Dördlər finalı"nın keçiriləcəyi ölkə bəlli olub.

"Report" Avropa futbol qurumunun rəsmi saytına istinadən xəbər verir ki, yarışa Niderland ev sahibliyi edəcək.

Turnirin yarımfinal oyunları 2023-cü il 14-15 iyunda, final və üçüncü yer uğrunda matç iyunun 18-də gerçəkləşəcək.

Püşkatma mərasimi yanvarda baş tutacaq. "Dördlər finalı"nda A Liqasında qrup qalibləri - Niderland, Xorvatiya, İtaliya və İspaniya yığmaları mübarizə aparacaqlar.