"Liverpul"un futbolçusu Premyer Liqada klubunu dəyişə bilər

İngiltərənin "Liverpul" klubunun futbolçusu Carell Kuansa Premyer Liqada klubunu dəyişə bilər.

"Report" "The Times" nəşrinə istinadən xəbər verir ki, "Nyukasl" müdafiəçi ilə maraqlanır.

Klub rəhbərliyi yayda 22 yaşlı oyunçu ilə müqavilə imzalamaq niyyətindədir. Lakin Mersisayd təmsilçisinin bu keçid üçün böyük məbləğ tələb edəcəyi gözlənilir.

Qeyd edək ki, Carell Kuansanın "Liverpul"la müqaviləsinin müddəti 2029-cu ilin yayınadək qüvvədədir. O, cari mövsüm bu komandanın heyətində 22 oyuna çıxıb.