Türkiyəli futbolçu baş məşqçiyə görə İspaniya klubundan ayrıla bilər

Türkiyə millisinin futbolçusu Arda Gülər İspaniyanın "Real" klubundan ayrıla bilər.

"Report" "Defensa Central" nəşrinə istinadən xəbər verir ki, italiyalı baş məşqçi Karlo Ançelotti komandada qalsa, 20 yaşlı yarımmüdafiəçi paytaxt təmsilçisi ilə vidalaşmaq niyyətindədir.

Gənc oyunçu bu barədə "kral klubu"nun prezidenti Florentino Peresə də məlumat verib.

Qeyd edək ki, Arda Gülər cari mövsüm heyətə düşməkdə çətinlik çəkir. O, "Real"da 33 matçda meydana çıxıb, 3 qol və 7 məhsuldar ötürmə ilə yadda qalıb.