Azərbaycanı Sloveniyada keçiriləcək beynəlxalq yarışda təmsil edəcək yelkənçilər müəyyənləşib

Azərbaycanı Sloveniyanın İzola şəhərində keçiriləcək “Easter Regatta 2025” beynəlxalq yarışında təmsil edəcək yelkənçilər müəyyənləşib.

Bu barədə "QELEBE.AZ"a Yelkən Federasiyasından məlumat verilib.

Turnirdə komandanın rəhbəri Burcu Algon Giorgianni və məşqçi Panagiotis Papadakisin rəhbərliyi altında Emel Məmmədli, Kamal Bəşirli, Furkan Mustafayev, Ameliya Əliyeva, Yağmur Həsənli və Amira Bayramova mübarizə aparacaq.

Qeyd edək ki, “Easter Regatta 2025” 16-20 apreldə keçiriləcək.