"Real"ın futbolçusu tezliklə dizindən əməliyyat oluna bilər

İspaniyanın "Real" klubunun futbolçusu Antonio Rüdiger tezliklə dizindən əməliyyat oluna bilər.

"Report" "Relevo"ya istinadən xəbər verir ki, müdafiəçi bir neçə aydır sol dizindəki ağrılara baxmayaraq oyunlarda iştirak edir.

Son matçlardakı gərginliyə görə meniks nahiyəsində problem də aşkarlanıb.

Mümkün diz əməliyyatı ilə bağlı qərar mövsümün sonunda veriləcək. Rudiger qarşıdakı oyunlarda heyətdə qalmaq üçün gündəlik olaraq fizioterapevtlərlə işləyir.

Qeyd edək ki, 32 yaşlı oyunçu cari mövsüm "Real"ın heyətində 47 matça çıxıb və 3 qol vurub.