Avropa üçüncüsü olan Azərbaycan cüdoçusu: “Kiçik nöqsanlar səbəbindən çempionluğu qazana bilmədim”

Azərbaycan cüdoçusu Əhməd Yusifov (60 kq) Monteneqronun paytaxtı Podqoritsada keçirilən Avropa çempionatında bürünc medal qazanması ilə bağlı təəssüratlarını bölüşüb.

Cüdoçu “QELEBE.AZ”a açıqlamasında yarışa yaxşı hazırlaşdığını söyləyib.

O, növbəti turnirlərdə əlindən gələnin ən yaxşısını edəcəyini deyib:

“Yarışı yüksək səviyyədə keçirdim. Rəqiblərim çox güclü idi. Buna baxmayaraq, yaxşı hazırlaşmışdım. Hədəfim çempionluq idi. Təəssüf ki, istəyim reallaşmadı və üçüncü yerlə kifayətləndim. Yarış zamanı bəzi kiçik nöqsanlar səbəbindən çempion ola bilmədim. Növbəti turnirlərdə əlimdən gələnin ən yaxşısını edəcəyəm”.

Qeyd edək ki, Əhməd Yusifov üçüncü yer uğrunda görüşdə ispaniyalı Fransisko Qarriqosa ipponla qalib gəlib.