Özbəkistan boksçuları Bakıda Azərbaycan millisi ilə hazırlıq keçəcəklər

Özbəkistanın yeniyetmə boksçuları təlim-məşq toplanışı keçmək üçün Bakıya gəliblər.

"Report" xəbər verir ki, Bahadır Calolov adına boks üzrə ixtisaslaşmış idman məktəbinin yığması Bakı Boks Mərkəzində Azərbaycan millisi ilə birgə hazırlıq keçəcək.

Toplanışa gələn həftə Gürcüstan millisi də qoşulacaq.

Məşqlər Bakıda təşkil olunacaq “Heydər Əliyev Kuboku-2025” beynəlxalq turnirinə hazırlıq xarakteri daşıyır.

Qeyd edək ki, “Heydər Əliyev Kuboku-2025” turniri mayın 16-21-i aralığında keçiriləcək.