"Mançester Yunayted"in futbolçusu "Yuventus"a keçə bilər

İcarə əsasında İspaniya təmsilçisi "Betis"də çıxış edən İngiltərənin "Mançester Yunayted" klubunun futbolçusu Antoni karyerasını İtaliyada davam etdirə bilər.

"QELEBE.AZ" "Football Espana" nəşrinə istinadən xəbər verir ki, "Yuventus" 25 yaşlı hücumçunu heyətinə cəlb etmək istəyir.

İngilislər braziliyalı oyunçunun keçidindən 40-50 milyon avro qazanmaq niyyətindədir. "Betis" də onun komandada qalması üçün çalışır. Sevilya klubu yalnız Çempionlar Liqasına vəsiqə qazanacağı təqdirdə bu transferi gerçəkləşdirə biləcək.

İspaniya təmsilçilərindən "Atletiko" və "Vilyarreal" da Antoni ilə maraqlanır.

Qeyd edək ki, hücumçu cari mövsüm "Betis"də 22 matçda 8 qol və 5 məhsuldar ötürmə ilə yadda qalıb.