"Yuventus"un futbolçusu cəzalandığı üçün mövsümün son iki oyununda iştirak edə bilməyəcək
https://qalaba.az//uploads/photo/yuventusun-futbolchusu-cezalandigi-uchun-movsumun-son-iki-oyununda-ishtirak-ede-bilmeyecek.webp
"Yuventus" klubunun futbolçusu Pyer Kalulu İtaliya A Seriyasının XXXVI turunda "Latsio"ya qarşı keçirilən oyunda (1:1) qırmızı vərəqə alaraq meydandan kənarlaşdırıldığı üçün 2 oyunluq cəzalanıb.
"Report" xəbər verir ki, futbolçu matçın 60-cı dəqiqəsində qeyri-idman hərəkətinə yol verdiyi üçün meydandan qovulub.
Bununla da, Kalulu mövsümün son iki turunda - "Udineze" və "Venesiya" komandalarına qarşı baş tutacaq görüşlərdə iştirak edə bilməyəcək.
Qeyd edək ki, fransalı futbolçu müqavilə əsasında "Milan"a məxsusdur və Turin klubunda icarə əsasında forma geyinir.
