Azərbaycanın minifutbol millisi mundialda uğurlu çıxış təqdirində mükafatlandırılacaq

Azərbaycanın minifutbol millisi dünya çempionatında uğurlu çıxış edəcəyi təqdirdə mükafatlandırılacaq.

"QELEBE.AZ" xəbər verir ki, bu barədə Bakıda keçiriləcək mundiala həsr olunan mətbuat konfransında Azərbaycan Minifutbol Federasiyasının (AMF) icraçı vitse-prezidenti Taleh Nəsibov bildirib.

AMF rəsmisi futbolçulara veriləcək məbləği açıqlamayıb:

"Təbii ki, sözügedən mükafatın məbləğini açıqlaya bilmərik. Lakin artıq baş məşçi Elşad Quliyev bu barədə məlumatlıdır və futbolçulara sözünü çatdırıb. İnanırıq ki, qələbə bizimlə olacaq".

Qeyd edək ki, dünya çempionatı 21 may - 1 iyun aralığında Milli Gimnastika Arenasında keçiriləcək. Azərbaycan yığması 32 komandanın iştirak edəcəyi mundialın A qrupunda Sloveniya, Mavritaniya və Bəhreynlə mübarizə aparacaq.