"Latsio" klubu Mauritsio Sarriyə 2027-ci ilə qədər müqavilə təklif edib

İtaliyanın "Latsio" klubu Mauritsio Sarrini yenidən baş məşqçi postuna gətirmək istəyir.

“QELEBE.AZ”un “Sky Sport Italia”ya istinadən məlumatına görə, klub 65 yaşlı mütəxəssisə hər mövsüm üçün 2,8 milyon avro maaş qarşılığında 2027-ci ilə qədər müqavilə təklif edib.

Roma klubu müqavilə müddəti 2026-cı ilə qədər olan hazırkı baş məşqçi Marko Baroni ilə yaxın günlərdə yolları ayırmaq istəyir.

Qeyd edək ki, M.Sarri daha əvvəl də “Latsio”nu (2021-2024) çalışdırıb. O, 2024-cü ildə klubdan ayrıldıqdan sonra işsizdir.