"Fənərbaxça" Filip Kostiçlə müqaviləyə xitam verib

Türkiyə Super Liqa təmsilçilərindən "Fənərbaxça" Filip Kostiçlə yollarını ayırıb.

QELEBE.AZ xəbər verir ki, 32 yaşlı futbolçunun müqaviləsi qarşılıqlı razılıq əsasında ləğv edilib.

İstanbul təmsilçisi bu barədə Türkiyə Futbol Federasiyasına məlumat verib.

İcarə əsasında İstanbul klubunda çıxış edən Filip Kostiç başa çatan mövsümdə "sarı-lacivərdlilər"in heyətində 35 oyuna çıxıb, 2 qol və 9 məhsuldar ötürmə ilə yadda qalıb.

Qeyd edək ki, "Fənərbaxça" daha əvvəl Edin Ceko, Duşan Tadiç və Allan Sent-Maksiminlə yollarını ayırıb.