Azərbaycan yığması Qızıl Avropa Liqasında növbəti matçını keçirib

Azərbaycanın qadın voleybolçulardan ibarət yığması Qızıl Avropa Liqasında növbəti matçını keçirib.

"Report"un məlumatına görə, Faiq Qarayevin rəhbərlik etdiyi kollektiv Slovakiya seçməsi ilə qarşılaşıb.

Görüş rəqib yığmanın qələbəsi ilə yekunlaşıb - 3:0 (25:20, 25:12, 25:20).

Qeyd edək ki, Qızıl Avropa Liqasının II turu Slovakiyanın paytaxtı Bratislavada keçirilir. Azərbaycan yığması daha əvvəl Bakıdakı matçlarda Macarıstan və Sloveniya seçmələrinə 0:3 hesabı ilə uduzub. Komanda növbəti görüşünü sabah Monteneqro millisinə qarşı keçirəcək.