Azərbaycan millisi Gümüş Avropa Liqasında növbəti matçını keçirəcək

Azərbaycanın kişi voleybolçulardan ibarət yığması Gümüş Avropa Liqasında bu gün növbəti matçını keçirəcək.

"Report" xəbər verir ki, Fərid Cəlalovun baş məşqçisi olduğu kollektiv Farer adaları ilə üz-üzə gələcək.

Görüş Bakı vaxtı ilə saat 22:00-da başlayacaq.

Qeyd edək ki, Azərbaycan millisi daha əvvəl keçirdiyi matçlarda İsveçə (0:3), Lüksemburqa (0:3) və Macarıstana (1:3) məğlub olub, Gürcüstan yığmasını isə 3:0 hesabı ilə üstələyib. Gümüş Avropa Liqasının III turu Farer adalarında təşkil olunub. Azərbaycan millisi növbəti matçını sabah Avstriyaya qarşı keçirəcək.