"Real" Almaniya klubunun futbolçusunu transfer etmək istəyir

İspaniyanın "Real" klubu Almaniya təmsilçisi "Bayer 04"ün futbolçusu Aleks Qrimaldonu transfer etmək istəyir.

"Report" xəbər verir ki, bu barədə "Cadena SER" nəşri məlumat yayıb.

Buna Alvaro Karrerasla bağlı Portuqaliyanın "Benfika" komandası ilə danışıqların yaxşı alınmaması səbəb olub. Oyunçu "Kral klubu"na keçmək istəsə də, qarşı tərəf 50 milyon avro tələb edir. "Real" isə bu məbləği vermək niyyətində deyil.

Klub onun yerinə Aleks Qrimaldonu hədəfə alıb. Sol cinah müdafiəçisi ötən mövsüm Leverkuzen təmsilçisində 10 qol və 7 məhsuldar ötürmə ilə yadda qalıb.