Məmmədyarov ABŞ turnirinə vəsiqə qazana bilməyib

Azərbaycan şahmatçısı Şəhriyar Məmmədyarov Las-Veqasda keçiriləcək "Freestyle Chess Grand Slam"a vəsiqə uğrunda üçüncü mərhələnin seçmə turnirində iştirak edib.

Apasport.az xəbər verir ki, 1/4 finalda ukraynalı Martin Kravtsivlə qarşılaşan qrossmeysterimiz 0:2 hesabı ilə uduzub.

Seçmə turnirin qalibi amerikalı Hans Nimman olub. O, finalda belaruslu Denis Lazaviki məğlub edib.

Qeyd edək ki, Las-Veqasda Maqnus Karlsen də daxil olmaqla 14 şahmatçı mübarizə aparacaq.