Ronaldo Ançelottinin Braziliya yığmasına baş məşqçi təyin olunmasına münasibət bildirib

Braziliya millisinin sabiq hücumçusu Ronaldo Nazario Karlo Ançelottinin yığmaya baş məşqçi təyin olunmasına münasibət bildirib.

"QELEBE.AZ" ESPN-ə istinadən xəbər verir ki, dünya çempionu bu təyinatdan razılığını ifadə edib.

"Düşünürəm ki, Ançelottinin gəlişi çox müsbət olacaq. Mən onu yaxşı tanıyıram. O, əla komanda adamıdır, oyunçuların rəğbətini və etimadını necə qazanmağı bilir. Məncə, məşqçi futbolçulara daha yaxın olmağı, inam qazanmağı, onlara nə vaxt təzyiq edib, nə vaxt buraxmağı başa düşməlidir. O, komandanın ata fiquru olan Skolarini çox xatırladır. Skolarinin məşqləri darıxdırıcı idi, lakin hər kəs əlindən gələni edirdi - onun üçün, komanda üçün”, - R.Nazario vurğulayıb.

Qeyd edək ki, K.Ançelotti mayın 12-dən Braziliya millisinə rəhbərlik edir. 66 yaşlı mütəxəssislə müqavilənin müddəti 2026-cı ildə keçiriləcək dünya çempionatının sonuna kimi nəzərdə tutulub.