"Qalatasaray" Hakan Çalhanoğlu üçün İtaliya klubu ilə danışıqlara başlayıb

Türkiyənin "Qalatasaray" klubu futbolçu Hakan Çalhanoğlunu transfer etmək üçün İtaliya təmsilçisi "İnter"lə danışıqlara başlayıb.

"QELEBE.AZ" xəbər verir ki, bu barədə "Lequipe" nəşri məlumat yayıb.

Milan klubu 31 yaşlı yarımmüdafiəçi ilə yollarını ayırmağa hazırdır. İtalyanlar bu keçiddən 30 milyon avro qazanmaq niyyətindədir.

Qeyd edək ki, 2021-ci ildən "İnter"də çıxış edən Hakan Çalhanoğlunun hazırkı müqaviləsi 2027-ci ilin yayınadək qüvvədədir.