"Neftçi"nin baş məşqçisinin Rumıniya klubuna keçməməsinin səbəbi bəlli olub

“Neftçi”nin baş məşqçisi Laurentsiu Regekampfın Rumıniya klubu “Universitatya Krayova”ya keçməməsinin səbəbi bəlli olub.

“QELEBE.AZ”un “playtech.ro”ya istinadən məlumatına görə, “Universitatya Krayova” rəhbərliyi Azərbaycan təmsilçisinin təzminat tələbini müsbət cavablandırmayıb.

47 yaşlı mütəxəssisin “ağ-qaralar”la müqaviləsi davam etdiyindən, “Neftçi” qarşı tərəfdən 150 min avro təzminat haqqı istəyib. Bu üzdən “Universitatya Krayova”nın maliyyə dəstəkçisi Mixai Rotaru geri addım atmalı olub.

Qeyd edək ki, Laurentsiu Regekampfın “Neftçi” ilə sözləşməsi 2024-cü ilin yayına qədər nəzərdə tutulub.