Azərbaycan boksçusu Almaniyadakı turnirdə yarımfinala yüksəlib

Azərbaycan təmsilçisi Sübhan Babayev (60 kq) Almaniyanın Frankfurt şəhərində keçirilən 19 yaşadək boksçular arasında “Brandenburq Kuboku”nda yarımfinala yüksəlib.

Bu barədə "Report"a Azərbaycan Boks Federasiyasının mətbuat xidmətindən məlumat verilib.

O, Simonas Puniskisin (Litva) ardınca 1/4 finalda almaniyalı Nur Zakaryeni də məğlub edib – 5:0 (30:27, 30:27, 30:27, 30:27, 30:27).

Yarımfinala yüksəlməklə özü üçün bürünc medalı təmin edən Babayev bu mərhələdə Mattia Turrinlə (İtaliya) qarşılaşacaq.

Qeyd edək ki, yarışa avqustun 2-də yekun vurulacaq.