Azərbaycan millisinin üzvləri Çin çempionatında bürünc medal qazanıblar

Qadın voleybolçulardan ibarət Azərbaycan millisinin üzvləri Odina Əliyeva və Mariya Kirilyuk Çin çempionatında bürünc medal qazanıblar.

Azərbaycan Voleybol Federasiyasından “Report”a verilən məlumata görə, idmançıların formasını geyindiyi “Şenzen Jonqsay” Çin Liqasında 3-cü yeri tutub.

Adıçəkilən komanda üçüncülük uğrunda “Fujian”la qarşılaşıb. İki oyunluq mübarizədə 3:2 (25:22, 16:25, 23:25, 25:22, 15:8) və 3:1 (17:25, 25:22, 25:21, 25:22) hesabı ilə qalib gələn “Şenzen Jonqsay” klubu yarışın bürünc medalına sahib çıxıb.