Marko Veşoviç: “Səbail” Azərbaycan çempionatının ən zəif komandasıdır”

“Səbail” Azərbaycan çempionatının ən zəif komandasıdır”

“Report” xəbər verir ki, bunu “Qarabağ”ın monteneqrolu futbolçusu Marko Veşoviç Polşanın “onet.pl” saytına açıqlamasında yerli “Legiya” ilə yoxlama görüşü keçirən paytaxt klubu haqqında danışarkən deyib.

32 yaşlı müdafiəçi Türkiyədəki təlim-məşq toplanışı zamanı sabiq komandası olan Varşava təmsilçisinin düşərgəsini ziyarət edib. Veşoviç Azərbaycan Premyer Liqası ilə bağlı danışarkən turnir cədvəlinin ilk üç pilləsində qərarlaşan “Qarabağ”, “Sabah” və “Neftçi”ni fərqləndirib: “Orada yalnız ilk üç yerdəki komandaların çox pulu var”.

Qeyd edək ki, “Səbail”lə “Legiya” arasında keçirilən yoxlama görüşü 2:2 hesabı ilə başa çatıb. Qəsəbə təmsilçisi Azərbaycan Premyer Liqasında mövsümün ilk yarısından sonra 10 xalla turnir cədvəlinin son pilləsində qərarlaşıb.