Millimizin üzvü fərqləndi, komandası bir xal qazandı

Azərbaycan millisinin futbolçusu Ozan Can Kökçü Niderlandın “Volendam” klubu ilə rəsmi oyuna çıxıb.

Apasport.az xəbər verir ki, komanda Erediviziyanın I turunda “Heerenven”in qonağı olub.

Matçda qalib müəyyənləşməyib. Görüş 1:1 hesablı heç-heçə ilə başa çatıb.

Ozan oyuna start heyətdə başlayıb və 65-ci dəqiqədə komandasının bərabərlik qoluna imza atıb. Kökçü 72-ci dəqiqədə əvəzlənib.

Qeyd edək ki, “Volendam” birinci turdan sonra 1 xalla turnir cədvəlində 6-cı pillədə qərarlaşıb.