Gəncədə III MDB Oyunlarının açılış mərasimi keçirilir

Gəncə şəhər stadionunda III MDB Oyunlarının açılış mərasimi keçirilir.

Apasport.az xəbər verir ki, tədbirdə Azərbaycan Respublikasının Prezidenti İlham Əliyev, birinci xanım Mehriban Əliyeva və rəsmi qonaqlar iştirak edirlər.

Ölkələrin rəsmi paradı keçirilib.

Azərbaycan bayrağını karateçi Asiman Qurbanlı və taekvondoçu Zemfira Həsənzadə daşıyıblar.

Qeyd edək ki, iki gün əvvəl start götürən yarışa 13 ölkədən 1624 idmançı və 2337 nümayəndə qatılıb. Turnirdə Azərbaycanı 340 idmançı təmsil edir.

Yarışın bağlanış mərasimi oktyabrın 8-də, Gəncə şəhər stadionunda baş tutacaq.