1500 nəfərlik kənd İsveç futbolunu fəth etdi – “Mjallby”dən möcüzə

İsveç Birinci Futbol Liqasının başa çatmasına 3 həftə qalmış çempionun adı bəlli olub. 

QELEBE.AZ xəbər verir ki, "Mjallby" klubu 66 xalla çempionluğu təmin edib. 

Əhalisi 1500-dən az olan balıqçı kəndinin komandası liqanın 27-ci həftəsində səfərdə “Göteborq”la qarşılaşıb. "Mjallby" "Qəmlə Üllevi" stadionunda rəqibini 2:0 hesabı ilə məğlub edərək xallarının sayını 66-ya çatdırıb. 

Onun ən yaxın izləyicisi "Hammarbi"nin 55 xalı var.

"Mjallby" UEFA Çempionlar Liqasının seçmə mərhələsində oynayacaq və 2026-27 mövsümündə tarixində ilk dəfə Avropa yarışlarında çıxış edəcək.