"Everton" klubu satışa çıxarılıb

İngiltərə Premyer Liqasında çıxış edən "Everton" futbol klubu satışa çıxarılıb.

"QELEBE.AZ" "The Guardian" nəşrinə istinadən xəbər verir ki, İran əsilli britaniyalı iş adamı Farhad Moşiri Mersisayd təmsilçisini satmaq niyyətindədir.

O, 500 milyon funt sterlinqdən çox olan təklifləri nəzərdən keçirməyə hazırdır. Artıq bir neçə potensial alıcı öz maraqlarını ifadə edib. Satış prosesi Deloitte tərəfindən həyata keçiriləcək.

Qeyd edək ki, Farhad Moşiri 2016-cı ildən "Everton"un sahibidir. Klub ötən gün baş məşqçi Frenk Lempardı istefaya göndərib.