Afrika Millətlər Kuboku: Seneqal yığmasının ehtiyat qapıçısı finalın qəhrəmanı oldu - VİDEO

Seneqal millisinin ehtiyat qapıçısı Yehvan Diuf Afrika Millətlər Kubokunun finalında Mərakeşlə matçın mübahisəsiz ən dəyərli oyunçusu seçilib.

QELEBE.AZ xəbər verir ki, o, qarşılaşma zamanı fədakarlığı ilə diqqət çəkib.

Final zamanı maraqlı və qeyri-adi epizod yaşanıb. Rəqib komandanın tərəfdarı olan mərakeşli topyığan uşaqlar Eduar Mendinin əlcəklərini qurutmaq üçün istifadə etdiyi dəsmalı götürməyə cəhd ediblər.

Bu məqamda Yehvan Diuf dərhal müdaxilə edərək Mendinin dəsmalını geri alıb və komanda yoldaşının oyun ritminin pozulmasına imkan verməyib.

Həmin epizod sosial şəbəkələrdə də geniş rezonans doğurub. 

Matçdan sonra Yehvan Diuf Mendinin dəsmalı və çempionluq medalı ilə bağlı paylaşım edib.