Əliyar Ağayev Avropa Liqası oyununa təyinat alıb

FİFA referisi Əliyar Ağayev UEFA-dan daha bir təyinat alıb.

Apasport.az xəbər verir ki, 39 yaşlı hakim bu həftə UEFA Avropa Liqasının əsas mərhələsində meydanda olacaq.

Ağayev yanvarın 22-də İsveçrədə keçiriləcək “Yanq Boyz” – “Lion” qarşılaşmasını idarə edəcək.

Bu oyunda ona yan xətt hakimləri kimi Zeynal Zeynalov və Akif Əmirəli assistentlik edəcəklər. Dördüncü hakim funksiyası isə Tural Qurbanova həvalə olunub.