"Fənərbağça" və "Beşiktaş"ın hücumçuları bombardirlər siyahısında yer alıblar
https://qalaba.az//uploads/photo/fenerbagcha-ve-beshiktashin-hucumchulari-bombardirler-siyahisinda-yer-aliblar.webp
Beynəlxalq Futbol Tarixi və Statistikaları Federasiyası (IFFHS) 2023-cü ilin ilk ayında milli çempionatlarda ən çox qol vurmuş futbolçuları açıqlayıb.
“Report” IFFHS-ın rəsmi saytına istinadən xəbər verir ki, ay ərzində minimum 5 qol vuran futbolçular sıralanıb.
Türkiyə klubları “Fənərbağça” və “Beşiktaş”ın hücumçuları Enner Valensiya ilə Cenk Tosun da məhsuldarlıqlarına görə seçiliblər. Valensiya 6, Tosun isə 5 qolla diqqət çəkib. Cədvələ 7 qola imza atan finlandiyalı Eetu Vertaynen və panamalı Ronaldo Kordoba şərikli başçılıq edirlər.
Azərbaycan Premyer Liqasından heç kim siyahıya düşməyib. Çünki yanvarda keçirilən iki turda ən çox qol vuran futbolçular rəqib qapılarına cəmi 2 dəfə yol tapa biliblər. Bunlar Musa Qurbanlı (“Qarabağ”), Runi Eva (“Turan Tovuz”) və Coy Lens Mikelsdir (“Sabah”).
| Futbolçu | Qol | Ölkə | Klub | |
| 1 | Eetu Vertaynen | 7 | Finlandiya | “Linfild” (Şimali İrlandiya) |
| 2 | Ronaldo Kordoba | 7 | Panama | “Errera” |
| 3 | Lele | 6 | Braziliya | “Volta Redonda” |
| 4 | Vangelis Pavlidis | 6 | Yunanıstan | AZ (Niderland) |
| 5 | Enner Valensiya | 6 | Ekvador | “Fənərbağça” (Türkiyə) |
| 6 | Kevin Nisbet | 6 | Şotlandiya | “Hibernian” |
| 7 | Deklan Makmanus | 6 | Şotlandiya | TNS |
| 8 | Ademola Lukman | 5 | Nigeriya | “Atalanta” (İtaliya) |
| 9 | Viktor Osimxen | 5 | Nigeriya | “Napoli” (İtaliya) |
| 10 | Cenk Tosun | 5 | Türkiyə | “Beşiktaş” |
| 11 | Eran Zahavi | 5 | İsrail | “Makkabi” (Təl-Əviv) |
| 12 | Pol Bassene | 5 | Seneqal | “Oujda” (Mərakeş) |
| 13 | Henri Martin | 5 | Meksika | “Amerika” |
| 14 | Ben Malanqo | 5 | Konqo DR | “Qətər” (Qətər) |
| 15 | Dieqo Mauritsio | 5 | Braziliya | “Odişa” (Hindistan) |
| 16 | İker Quarrotxena | 5 | İspaniya | “Qoa” (Hindistan) |
| 17 | Ben Klark | 5 | Uels | TNS |
| 18 | Mfon Udo | 5 | Nigeriya | “Şeyx Russel” (Banqladeş) |
