“Sabah”ın yeni transferi “Qarabağ”a qarşı oynayacaq? - ÖZƏL

Misli Premyer Liqasının XXII turu çərçivəsində “Sabah” səfərdə “Qarabağ”la qarşılaşacaq.

Qonaqların yeni transferi Patrik Orfe Mbinanın oyunda iştirak edib-etməyəcəyi maraqla gözlənilir.

QELEBE.AZ saytına klubdan verilən məlumata görə, qabonlu hücumçunun sağlamlıq vəziyyəti hələ dəqiq bilinmir.

Mbinanın həftə ərzində məşqçilər korpusu və həkimlərin ümumi rəyi əsasında oynayıb-oynamayacağı müəyyən ediləcək.

Qeyd edək ki, Patrik Sloveniyanın “Maribor” klubundan mövsümün sonuna qədər icarəyə götürülüb.