DÇ: Türkiyə yığmasının oyun cədvəlində dəyişiklik edilib

Futbol üzrə Türkiyə millisinin dünya çempionatında keçirəcəyi oyunlardan birinin başlama saatı dəyişdirilib.

QELEBE.AZ xəbər verir ki, qərara əsasən, Paraqvay yığması ilə iyunun 20-də Bakı vaxtı ilə saat 08:00-da start götürməsi planlaşdırılan qarşılaşma 1 saat tez - yəni 07:00-da başlayacaq.

Xatırladaq ki, Türkiyə millisi iyunun 14-də Bakı vaxtı ilə saat 08:00-da Avstraliya ilə, 26-da isə saat 06:00-da ABŞ ilə üz-üzə gələcək.

Qeyd edək ki, dünya çempionatının final mərhələsi 11 iyun – 19 iyul tarixlərində ABŞ, Kanada və Meksikada keçiriləcək.