6 xallıq oyun: "Neftçi" "Zirə" səfərində - YENİLƏNİR

Bu gün Misli Premyer Liqasında XXVIII tura start veriləcək.

Apasport.az xəbər verir ki, günün son matçı Zirədə keçiriləcək.

Rəşad Sadıqovun komandası öz meydanında “Neftçi”ni sınağa çəkəcək. Görüş "ağ-qaralar" üçün avrokuboklar yolunda son şansdır.

Komanda bu matçda qazanılacaq qələbə ilə adını turnir cədvəlinin 4-cü pilləsinə yazdıracaq. Bu, Konfrans Liqasının qapısını aralamaq deməkdir.

"Zirə" isə işinə şansa buraxmaq istəmir. "Qartallar" Azərbaycan Kubokunun qalibi olmaq istəsə də, çempionatda da yerini möhkəmləndirmək niyyətindədir.

Qarşılaşma 6 xallıq oyun kimi qiymətləndirilir. Qələbə qazanan tərəf üçün 3 xal mövsümün qazancı olacaq.

Oyun saat 19:30-da start götürəcək.

Misli Premyer Liqası
XXVIII tur

19:30. "Zirə" – "Neftçi"
Baş hakim: İnqilab Məmmədov
Zirə İK stadionu