AÇ: Olimpiya çempionumuz DİSKVALİFİKASİYA EDİLİB

Azərbaycan cüdoçusu Zelim Kotsoyev (100 kq) Gürcüstanın paytaxtı Tbilisidə keçirilən Avropa çempionatında bürünc medal uğrunda görüşə çıxa bilməyəcək.

QELEBE.AZ xəbər verir ki, Kotsoyev yarımfinalda Simeon Katarina (Niderland) ilə qarşılaşmada qadağan olunmuş fənd tətbiq etdiyi üçün birbaşa “hansoku-make” cəzası alıb və buna görə bürünc medal görüşündən uzaqlaşdırılıb.

Bu gün tatamiyə çıxan digər idmançılar – Kənan Nəsibov (+100 kq) və Madina Kaisinova (+78 kq) isə çıxışlarını erkən başa vurublar.

Beləliklə, Azərbaycan millisi Avropa çempionatını 4 medalla tamamlayıb. Daha əvvəl Hidayət Heydərov (73 kq) gümüş, Əhməd Yusifov (60 kq), Turan Bayramov (66 kq) və Zelim Tçkayev (81 kq) isə bürünc medal qazanıblar.