Estakio qələbə qolunu vurdu: Matçın ən yaxşısı seçildi

Kanada millisinin futbolçusu Stiven Estakio fərdi mükafata layiq görülüb.

QELEBE.AZ xəbər verir ki, FIFA onu DÇ-2026-nın 1/16 finalında Cənubi Afrika Respublikası ilə keçirilən görüşün ən yaxşı futbolçusu seçib.

30 yaşlı yarımmüdafiəçi Kanadanın 1:0 hesablı qələbəsini təmin edən yeganə qolu vurub. O, qarşılaşmanı 8,2 reytinq balı ilə başa vurub.

Qeyd edək ki, Kanada bu qələbə ilə tarixində ilk dəfə dünya çempionatının 1/8 finalına yüksəlib. Şimali Amerika təmsilçisi növbəti mərhələdə Niderland – Mərakeş cütünün qalibi ilə üz-üzə gələcək.