Bölgə klubunun hazırlıq planı müəyyənləşib

“Şahdağ Qusar”ın yeni mövsüm üçün hazırlıq planı müəyyənləşib.

Apasport.az xəbər verir ki, komanda iyulun 20-də Bakıda toplanacaq.

Hazırlığın ilk mərhələsi paytaxtda, BOS-da keçiriləcək.

Avqustun 10-da isə klub Şamaxıya yollanacaq. Hazırlığın ikinci mərhələsi avqustun 24-dək burada davam edəcək.

Komanda yeni mövsümə hazırlıq çərçivəsində bir neçə yoxlama oyunu da keçirəcək. Qarşılaşmaların tarixi və keçiriləcəyi məkanlar barədə əlavə məlumat daha sonra veriləcək.