Çexiyalı qapıçı "Nyukasl"da

İngiltərənin "Nyukasl" klubu qapı xəttini yeni oyunçu ilə gücləndirib.

Apasport.az xəbər verir ki, Premyer Liqa təmsilçisi "Braqa"dan Lukaş Horniçeki transfer edib.

Bu barədə klubun mətbuat xidməti məlumat yayıb.

"Nyukasl" çexiyalı qapıçı üçün Portuqaliya klubuna 30,6 milyon avro ödəyib. 24 yaşlı qolkiperlə 2031-ci ilin yayınadək nəzərdə tutulan müqavilə imzalanıb.

Qeyd edək ki, Lukaş Horniçek 2020-ci ilin yayından "Braqa"da çıxış edirdi.