Batrakovun “Qalatasaray”a keçidi rəsmiləşdi - 5 illik müqavilə

Rusiyalı futbolçu Aleksey Batrakov “Qalatasaray”a keçib.

Apasport.az xəbər verir ki, İstanbul təmsilçisi 21 yaşlı yarımmüdafiəçi ilə 5 illik müqavilə imzalayıb.

Türkiyə Futbol Federasiyasının (TFF) rəsmi saytında yer alan məlumata görə, Batrakovun “Qalatasaray”la sözləşməsi 2031-ci il iyunun 30-dək qüvvədə olacaq.

Batrakov ötən mövsüm “Lokomotiv” (Moskva) formasında Rusiya Premyer Liqası və Kubokunda 36 matça çıxıb, 17 qol vurub. O, bu mövsüm Moskva klubunda 5 rəsmi oyunda meydana çıxıb və 1 dəfə fərqlənib.