Qurban Qurbanov: “Oyuna hazır deyildik”

Qurban Qurbanov: “Oyuna hazır deyildik”

“Həm heyət, həm də sərəncamımızda olan futbolçuların hazırlığı baxımından bu oyuna hazır deyildik”.

Bunu “Report”a açıqlamasında “Qarabağ”ın baş məşqçisi Qurban Qurbanov UEFA Konfrans Liqasının pley-off mərhələsində səfərdə Belçika klubu “Gent”ə 0:1 hesabı ilə məğlub olduqları oyunla bağlı danışarkən deyib.

51 yaşlı mütəxəssis səfərə mərhələ adlamaq üçün yollandıqlarını bildirsə də, rəqibin bəzi komponentlərdə onları üstələdiyini etiraf edib: “Futbolçular qələbə qazanmaq üçün meydanda hər şeyi etdilər. Təəssüf ki, penaltilər seriyası ilə məğlub olduq. Buna baxmayaraq, oyunçularımdan razı qaldım. Belə oyunlar futbolçuların gələcəyi üçün ancaq faydalıdır. Bu görüş bir daha göstərdi ki, belə böyük turnirlərdə 90 yox, 120 dəqiqə hazır olmaq lazımdır. Avrokubok təcrübəmiz xeyli yaxşılaşıb. Əvvəllər bir hissə oynayırdıq, sonra 60-70 dəqiqəyə gücümüz çatırdı. “Gent”lə matçda isə futbolçuların 120 dəqiqə mübarizə aparmağa gücləri çatdı. Rəqibdən çəkinmədən oynadılar. Doğrudur, matçın gedişində bəzi komponentlərdə “Gent” bizi üstələyirdi. İnanıram ki, bu oyun gələcəkdəki avrokubok görüşləri üçün faydalı olacaq”.

Təcrübəli məşqçi oyunsonrası penaltilər seriyasındakı yenilgiyə görə futbolçuların çox məyus olduqlarını vurğulayıb: “Oyundan sonra paltardəyişmə otağında uzun müddət özlərinə gələ bilmədilər. Hamısı azarkeşlərimizi, xalqımızı sevindirmək istəyirdi. Bu, alınmasa da, maraqlı oyun oldu”.

Q.Qurbanov bəzi oyunçuların formadan uzaq olduqlarını deyib: “Bizə bir müddət ayaq üstə durmaq lazımdır. Düzdür, bəzi oyunçular formalarını yavaş-yavaş bərpa edirlər. Amma belə böyük matçlara tam hazır deyildilər. Buna görə də, matçın gedişində kimsə 45 dəqiqə, kimsə bundan bir az çox meydanda oldu. Komandada disbalans var idi. Yenə də hər şey yaxşılığa doğru gedirdi. Elə dünən də hadisələrin gedişi biz istəyən kimi idi”.

Mütəxəssis heyətdə itkilərin çoxluğunu xüsusi xatırladıb: “İtkilərimizin sayı çox idi. Belə böyük matçlar öncəsi futbolçuların hamısının sağlam olmaması nəticəyə təsir göstərir. Təkcə Kevin Medina və Marko Yankoviçin xidmətindən məhrum deyildik. Filip Ozobiç 3-4 aydır futbol oynamır. Qara Qarayevin iki gün idi ki qızdırması var idi. Sağ olsun, xəstə halı ilə meydana çıxmağa hazır oldu. Onu, ümumiyyətlə, “23-lüy”ə salmamışdıq. Sonda durumu ilə bağlı özündən məlumat alıb belə qərar qəbul etdik”.

O, yeni transferlərin hələ hazır olmamasının məğlubiyyətə təsir göstərdiyini gizlətməyib: “Bu, kiçik səbəblərdən biridir. Uyğunlaşmalarında problem yoxdur. Sadəcə, hazırlıqları istənilən səviyyədə deyil. 7-8 ay idi ki, futbol oynamırdılar. Yaxşı formada olsaydılar, oyunumuzu daha da asanlaşdırardılar”.

Qeyd edək ki, Bakıdakı 1:0 hesablı qələbənin ardından Gentdə eyni hesabla məğlub olan “Qarabağ” oyunsonrası penaltilər seriyasında daha zəif çıxış edərək (3:5) avrokuboklarda mübarizəni dayandırıb.

Futbol
AVRO-2024: UEFA püşkatmanın detallarını açıqlayıb

AVRO-2024: UEFA püşkatmanın detallarını açıqlayıb

Futbol
Avropa Liqası: "Qarabağ"ın hücumçusu birinci sırada, qapıçısı ilk "3-lük"də yer alıb

Avropa Liqası: "Qarabağ"ın hücumçusu birinci sırada, qapıçısı ilk "3-lük"də yer alıb

Futbol
Oğlu Dieqo Simeonenin rekordunu təkrarlayıb

Oğlu Dieqo Simeonenin rekordunu təkrarlayıb

Futbol
"Olimpiakos"un baş məşqçisi: "Səhv edəndə cəzasını çəkirsən"

"Olimpiakos"un baş məşqçisi: "Səhv edəndə cəzasını çəkirsən"

Futbol
Kadi Borgeslə danışıq aparan kluba yeni baş məşqçi təyin olunub

Kadi Borgeslə danışıq aparan kluba yeni baş məşqçi təyin olunub

Futbol
"Fənərbağça" və "Nant"dan çətin qələbə, "Trabzonspor" "Ferentsvaroş"a uduzub

"Fənərbağça" və "Nant"dan çətin qələbə, "Trabzonspor" "Ferentsvaroş"a uduzub

Futbol
Peşəkar Futbol Liqası loqosunu dəyişir

Peşəkar Futbol Liqası loqosunu dəyişir

Futbol
Şəhid jurnalistlərin xatirəsinə keçirilən turnirdə III turun oyunları baş tutacaq

Şəhid jurnalistlərin xatirəsinə keçirilən turnirdə III turun oyunları baş tutacaq

Futbol
Çempionlar Liqası: Bu gün qrup mərhələsinə yekun vurulacaq

Çempionlar Liqası: Bu gün qrup mərhələsinə yekun vurulacaq

Futbol
Portuqaliya yığmasında baş məşqçi vəzifəsinə əsas namizəd müəyyənləşib

Portuqaliya yığmasında baş məşqçi vəzifəsinə əsas namizəd müəyyənləşib

Futbol
Azərbaycanın FIFA referisi: "Arzum mundialın final mərhələsinə təyinat almaqdır"

Azərbaycanın FIFA referisi: "Arzum mundialın final mərhələsinə təyinat almaqdır"

Futbol
Enis Bardi: "Azərbaycan yığması fiziki cəhətdən güclüdür"

Enis Bardi: "Azərbaycan yığması fiziki cəhətdən güclüdür"