"Napoli" gürcüstanlı futbolçu ilə yeni müqavilə imzalamaq istəyir

İtaliyanın "Napoli" klubu futbolçusu Xviça Kvaratsxeliya ilə müqavilənin müddətini uzatmaq istəyir.

"Report" "La Gazzetta dello Sport"a istinadən xəbər verir ki, Neapol təmsilçisi 22 yaşlı hücumçuya 2028-ci ilin yayınadək qüvvədə olacaq yeni sözləşmə təklif etmək niyyətindədir.

Hazırda A Seriyasının lideri olan klub gürcüstanlı forvardla yollarını ayırmağı planlaşdırmır.

Qeyd edək ki, Xviça Kvaratsxeliya cari mövsüm İtaliya komandasında 25 oyuna çıxıb, 12 qol və 15 məhsuldar ötürmə ilə yadda qalıb. Daha əvvəl "Napoli"nin Kvaratsxeliyanı 100 milyon avroya satmağa razı olduğu bildirilib.