Premyer Liqa: "Zirə" - "Neftçi" oyununda qalib müəyyənləşməyib

Futbol üzrə Azərbaycan Premyer Liqasında XXVIII turun daha bir oyunu keçirilib.

"QELEBE.AZ" xəbər verir ki, günün ikinci matçında "Neftçi" "Zirə"nin qonağı olub.

Qarşılaşma 1:1 hesabı ilə yekunlaşıb. "Ağ-qaralar"ın heyətində 12-ci dəqiqədə Kilan Lebon hesabı açıb. Onun komanda yoldaşı Kenni Sayef 70-ci dəqiqədə avtoqol müəllifi olub.

Bu nəticədən sonra xallarının sayını 57-yə çatdıran "Neftçi" üçüncü pillədə qərarlaşıb. "Qartallar" 38 xalla dördüncüdür.

Qeyd edək ki, günün ilk görüşündə "Kəpəz" "Səbail"i üstələyib - 1:0. Turun açılış oyununda "Sumqayıt" səfərdə "Turan Tovuz"u 3:2 hesabı ilə məğlub edib. Tura aprelin 2-də keçiriləcək "Şamaxı" - "Qarabağ" və "Sabah" - "Qəbələ" matçları ilə yekun vurulacaq.

Futbol üzrə Azərbaycan Premyer Liqasının XXVIII turunda üz-üzə gələcək "Zirə" və "Neftçi"nin heyətləri bəlli olub.

"QELEBE.AZ" xəbər verir ki, komandalar meydana aşağıdakı "11-lik"lərlə çıxacaqlar:

“Zirə”: 41. Anar Nəzirov 10. Rəhim Sadıxov 32. Qismət Alıyev (k) 21. Hacıağa Hacılı 11. Rüstəm Əhmədzadə 96. Donald Gerye 47. Mohamed Hamdaui 14. Hamidu Keyta 44. Dmitrios Çantakias 26. Nemanya Andelkoviç 6. Eldar Quliyev

Ehtiyat oyunçular: 1. Mehdi Cənnətov 22. Nail Alışov 15. Ruslan Abışov 18. Slavik Alxasov 2. Sertan Taşkın 9. Loris Broqno 19. Vladislav Kulaç 23. Andriya Lukoviç 5. Moiz Adileu 28. Abbas İbrahim 17. Toni Qomes 7. Filipe Paxtman

Baş məşqçi: Rəşad Sadıqov

“Neftçi”: 1. İvan Brkiç 8. Emin Mahmudov (k) 3. Höccət Haqverdi 19. Azər Salahlı 7. Azər Əliyev 6. Voyislav Stankoviç 10. Sezar Meza Kolli 4. Solomon Kverkveliya 5. Kenni Sayef 22. Kilan Lebon 9. Mateus Saldanya

Ehtiyat oyunçular: 30. Aqil Məmmədov 93. Rza Cəfərov 17. Rəhman Hacıyev 26. Ömər Buludov 2. Mert Çelik 21. İsmayıl Zülfüqarlı 20. Vüsal Əsgərov 27. Fərid Yusifli 37. Elton Əlibəyli 41. Samir Həsənov 18. Vato Arveladze 77. Yeqor Boqomolski

Baş məşqçi: Laurentsiu Regekampf

Qeyd edək ki, bu gün oynanılacaq qarşılaşma saat 19:30-da start götürəcək.