“Atletiko”nun qapıçısı klub rekordunu təkrarlayıb

İspaniya təmsilçisi “Atletiko”nun futbolçusu Yan Oblak klub rekordunu təkrarlayıb.

“Report” xəbər verir ki, sloveniyalı qapıçı madridlilərin heyətində ən çox oyun keçirən əcnəbi futbolçu rekordunda sabiq müdafiəçi Dieqo Qodinə çatıb.

Qolkiper La Liqanın XXVII turunda “Betis”i 1:0 hesabı ilə məğlub etdikləri matçda “Atletiko”nun heyətində 389-cu görüşünü keçirib. Oblak daha bir görüşdə çərçivəni qoruyacağı təqdirdə, yeni rekord müəyyənləşdirəcək.

Qeyd edək ki, Yan Oblak 2014-cü ildən “Atletiko”nun formasını geyinir.