Ayxan Abbasov: "Bu gün qismət olmadı"

Ayxan Abbasov: "Bu gün qismət olmadı"

"Evdəki qələbənin “Neftçi”ni daha aqressiv edəcəyini bilirdik".

“Report”un məlumatına görə, bunu “Turan Tovuz”un baş məşqçisi Ayxan Abbasov “Neftçi”yə 0:2 hesabı ilə məğlub olduqları Azərbaycan Kubokunun yarımfinal mərhələsinin cavab oyunundan sonra mətbuat konfransında deyib.

Tovuzdakı ilk matçda 1:0 hesablı qələbə qazanan bölgə təmsilçisi “Bakcell Arena”dakı qarşılaşmanın son dəqiqələrində iki top buraxaraq, mübarizəni dayandırıb.

42 yaşlı mütəxəssis qarşılaşmanın ardından məyus olduqlarını söyləyib: “Bu gün rəqibin təzyiqini hiss etdik. Oyunun sonlarında yorğunluq sözünü deyirdi. “Neftçi” cərimə zərbəsindən qol vuraraq, psixoloji üstünlük əldə etdi. Bu gün qismət olmadı. Futbolçularıma, azarkeşlərə təşəkkür edirəm. Azərbaycan futbolunda belə ab-hava üçün darıxmışdıq. Güclənmək, inkişaf üçün vaxt lazımdır. Üzgün olsaq da, qarşıda çempionat oyunu gözləyir. Kuboka kökləndiyimiz üçün stabilliyi itirmişdik. Premyer Liqada qalıb, gələn il daha yaxşı olmaq istəyirik”.

O, müdafiə futbolu sərgiləmələrini evdəki üstünlüyü qorumaq istəyi ilə əlaqələndirib: “Bunu “Neftçi” məcbur etdi. Qapının toxunulmaz saxlanılması üçün bu kimi hallar normaldır. Hücum oyunçuları da istər-istəməz müdafiəyə kömək etmək istəyirdilər. “Neftçi” ilə “Turan Tovuz”u müqayisə edirsinizsə, mənim üçün çətindir. Çempionatdakı 0:4 hesabında açıq futbol oynamışdıq. Rəqibin də üstünlüyünü gördük. Meydançanın hər yerində kompakt olmağa çalışdıq. Bu, rəqibdən və bizim heyətdəki oyunçulardan asılıdır. “Neftçi” ilə “Turan Tovuz”u müqayisə etmək üçün tələsirik”.

Abbasov bu heyətin maksimum gücünün indiki olmadığını söyləyib: “Hər bir komandanın enişi-yüksəlişi olur. Bu mövsüm məqsədimiz elitada qalmaqdır. Heyətin güclənməsi üzərində də işləyəcəyik. Gələn mövsüm daha iddialı olacağıq demək çətindir. Amma bundan yaxşı olmağa çalışacağıq”.

Baş məşqçi son turlarda onları çətin oyunların gözlədiyini əlavə edib: “Biz də təqvimə baxırıq, hesablayırıq. Hər şey ola bilər. 1-2 tur sonra da məsələni həll edə bilərik. Çempionat mübarizəli gedir. Kubok bitdi, indi gücü çempionata qoyacağıq. Yarımfinalda “Neftçi” ilə qarşılaşmaq özü də inkişafdır. Hər şeyə hazır olmalıyıq”.

Futbol
Abdullah Zubir: "Olimpiakos" bizi yaxşı analiz etmişdi"

Abdullah Zubir: "Olimpiakos" bizi yaxşı analiz etmişdi"

Futbol
FİFA Tunis yığmasını DÇ-2022-dən kənarlaşdıra bilər

FİFA Tunis yığmasını DÇ-2022-dən kənarlaşdıra bilər

Futbol
Niderland Seneqala qarşı - DÇ-2022

Niderland Seneqala qarşı - DÇ-2022

Futbol
“Mançester Siti” 2022-ci ilin ən yaxşı komandası olub

“Mançester Siti” 2022-ci ilin ən yaxşı komandası olub

Futbol
Keçmiş futbolçu avtomobil qəzasında ölüb

Keçmiş futbolçu avtomobil qəzasında ölüb

Futbol
Rusiya UEFA-dan ayrılaraq Asiya Futbol Konfederasiyasına qoşulmaq istəyir

Rusiya UEFA-dan ayrılaraq Asiya Futbol Konfederasiyasına qoşulmaq istəyir

Futbol
Qətərdə Dünya Çempionatında daha bir jurnalist ölüb

Qətərdə Dünya Çempionatında daha bir jurnalist ölüb

Futbol
İlin ən yaxşı gənc futbolçusu açıqlanıb

İlin ən yaxşı gənc futbolçusu açıqlanıb

Futbol
Azərbaycan Kuboku: "Turan Tovuz" səfərdə "Kəpəz"i məğlub edib

Azərbaycan Kuboku: "Turan Tovuz" səfərdə "Kəpəz"i məğlub edib

Futbol
Joze Alesio: "Çempionlar Liqasının startınadək boşluğu doldurmalıyıq"

Joze Alesio: "Çempionlar Liqasının startınadək boşluğu doldurmalıyıq"

Futbol
“Turan Tovuz”la oyun Ramil Şeydayev üçün ikiqat yubileylə əlamətdar olub

“Turan Tovuz”la oyun Ramil Şeydayev üçün ikiqat yubileylə əlamətdar olub

Futbol
"Mançester Yunayted" "Beşiktaş"ın hücumçusu ilə anlaşıb

"Mançester Yunayted" "Beşiktaş"ın hücumçusu ilə anlaşıb