Ağırlıqqaldırma üzrə Azərbaycan çempionatında növbəti qaliblər müəyyənləşib

Şüvəlan qəsəbəsindəki Ağır Atletika Akademiyasının (AAAF) yarış zalında keçirilən kişilər və qadınlar arasında ağırlıqqaldırma üzrə Azərbaycan çempionatında ilk yarış günü başa çatıb.

AAAF-in mətbuat xidmətindən "Report"a verilən məlumata görə, Gənclər və İdman Nazirliyi ilə federasiyanın birgə təşkil etdiyi yarışda ölkənin bütün bölgələrindən 100-dən çox atlet qüvvəsini sınayır.

Kişilərdə ilk olaraq 55 kq çəki dərəcəsində qaliblərin adına aydınlıq gəlib. Toplam 202 kq (91+111) nəticə göstərən Amin Osmanov bütün rəqiblərini geridə qoyaraq qızıl medala layiq görülüb. Gümüş medalı toplam 200 kq (90+110) nəticə göstərən Əvəz Tağıyev, bürünc medalı isə toplam 191 kq (85+106) nəticə göstərən Elmar Alıyev əldə edib.

61 kq çəki dərəcəsində isə Elşən Məmmədov fəxri kürsünün ən yüksək pilləsinə qalxmağı bacarıb. O, toplam 213 kq (97+116) nəticə ilə qızıl medala layiq görülüb. Sonrakı pillələri müvafiq olaraq toplam 200 kq (85+115) nəticə ilə Əmrah Osmanov və toplam 199 kq (92+107) nəticə ilə Ramiz Kazımov olublar.

Kişilər
55 kq

N	Adı	İl	Şəhər / Rayon	Təmsil etdiyi idman təşkilatı	Çəkisi	Birdən	Təkanla	Toplam
1.	Amin Osmanov	2006	Qazax	"Göyəzən" AAK	55.00	91	111	202
2.	Əvəz Tağıyev	2002	Neftçala	"Hercules" İK	52.55	90	110	200
3.	Elmar Alıyev	1987	Bakı	"Hercules" İK	54.41	85	106	191
4.	Dəniz Bağırov	2008	Lənkəran	UGİŞM / "Təhsil" RİM	54.33	68	88	156
5.	Murad Həsənli	2008	Yevlax	UGİM / Gİİ	48.95	67	83	150
6.	Dəniz Cabbarlı	2006	Lənkəran	UGİM / Gİİ	54.50	0	110	0
7.	Amil İskəndərov	2008	Yevlax	UGİM / Gİİ	50.42	53	–	–

61 kq

N	Adı	İl	Şəhər / Rayon	Təmsil etdiyi idman təşkilatı	Çəkisi	Birdən	Təkanla	Toplam
1.	Elşan Məmmədov	2004	Lənkəran	"Zirvə" İK	58.25	97	116	213
2.	Əmrah Osmanov	2005	Qazax	"Göyəzən" AAK	60.80	85	115	200
3.	Ramiz Kazımov	2006	Neftçala	"Hercules" İK	60.05	92	107	199
4.	Orxan İmanov	2007	Lerik	UGİŞM / "Təhsil" RİM	57.60	87	101	188
5.	Oruc Məhərrəmov	1999	Goranboy	KGoranboy AAİK	59.15	81	104	185
6.	Yusif Arzumanov	2006	Bakı	"Neftçi" İK	60.50	75	100	175
7.	Kamran Qasımov	2006	Cəlilabad	"Ümüd" İK	60.80	78	96	174
8.	Hüseynağa Qurbanov	2006	Lənkəran	UGİM / Gİİ	60.95	78	90	168
9.	Mirkamil Hüseynov	2007	Lerik	UGİŞM / "Təhsil" RİM	59.55	70	88	158
10.	Riyad Rzayev	2007	Neftçala	"Hercules" İK	60.55	65	80	145