“Heydər Əliyev-100” Beynəlxalq Minifutbol Turniri: CAR üçüncü dəfə böyük hesabla məğlub olub

Ümummilli Lider Heydər Əliyevin 100 illik yubileyinə həsr olunmuş Beynəlxalq Minifutbol Turnirində günün ilk oyunu keçirilib.

“QELEBE.AZ”un məlumatına görə, B qrupunda yer alan Ukrayna ilə CAR yığmaları Bakı Tennis Akademiyasında III tur matçında üz-üzə gəliblər.

Afrikalılar ilk iki matçda olduğu kimi, bu dəfə də böyükhesablı məğlubiyyətə düçar olublar. Onlar Ukraynanın 6 qoluna cəmi 1 topla qarşılıq verə biliblər – 1:6. Nəticədə Ukrayna millisi turnirdə ikinci qalibiyyətini əldə edib.

Qeyd edək ki, bu gün B qrupu çərçivəsində Türkiyə - Qazaxıstan və Ukrayna – Fransa matçları olacaq. A qrupunda isə Gürcüstan – Çexiya, Serbiya – İtaliya və Azərbaycan – Gürcüstan görüşləri keçiriləcək.