Azərbaycan idmançılarının apreldə qazandıqları medalların sayı bəlli olub

Azərbaycan idmançıları apreldə beynəlxalq turnirlərdə 164 medal qazanıblar.

“QELEBE.AZ”un məlumatına görə, bunu gənclər və idman naziri Fərid Qayıbov ötən ayla bağlı qurumun rəsmi saytındakı qeydində bildirib.

Nazir boks, cüdo, bədii gimnastika, akrobatika gimnastikası, idman gimnastikası, badminton, akademik avarçəkmə, qılıncoynatma, taekvondo, üzgüçülük, sərbəst güləş, yunan-Roma güləşi, sambo, şahmat, sumo, stolüstü tennis, para-pauerliftinq və digər idman növlərində uğurların olduğunu vurğulayıb.

Fərid Qayıbov sərbəst güləş üzrə Azərbaycan millisinin dördüncü dəfə Avropa çempionu olmasını da xatırladıb: “Eyni zamanda sərbəst güləşçimiz Hacı Əliyev dördüncü dəfə Avropa çempionluğunu qazanıb”.